CL diem nationis meae natalem feliciter honorateque celebro, sescenta basia iactans amatae Italiae, etsi hodie miserandae propter ignominiam rectorum.
Hic natus sum, hic parentes mei et maiores. Hic aliquando moriar.
Hanc terram, et colles, montes, flumina, lacus, maria, urbes, viros et mulieres, iuvenes et senes, maxima ex parte probos et navos, industrios ac benignos, perdite amo.
Gratias ago ingentes omnibus iis, qui toto in orbe terrarum hodie amicaliter Italiam salutarunt, quorum praeses Americanus Obama.
Certe resurgemus, certe iterum laudem nobis pariemus.
Resurgat opto ex corde et Iaponia, hodie, omnino aliis ex causis, etiam miseranda. Ambabus in terris vincat humana virtus!
